Kryetari i ri i Kuvendit të Serbisë, Çupiq, takohet me zyrtarin e BE-së, Vasalo
Kryetari i sapozgjedhur i Kuvendit Popullor të Serbisë, Aleksandar Çupiq, zhvilloi një takim me ushtruesin e detyrës së shefit të Delegacionit të BE-së në Serbi, Xhulian Vasalo.

Në rezidencën e Bashkimit Evropian, kryetari i Kuvendit Popullor të Serbisë, Aleksandar Çupiq, u prit në një takim nga ushtruesi i detyrës së shefit të Delegacionit të Bashkimit Evropian në Serbi, Xhulian Vasalo. Ky takim shënon një ndër kontaktet e para zyrtare të Çupiqit pas zgjedhjes së tij në krye të institucionit më të lartë ligjvënës të Serbisë.
Sipas raportimeve të transmetuesit publik serb RTS, gjatë bisedimeve është diskutuar mbi rolin e Kuvendit në procesin e reformave. Në këtë kontekst, u theksua se Bashkimi Evropian e sheh Kuvendin si një partner të qëndrueshëm dhe të besueshëm në përpjekjet e shtetit serb për të përmbushur agjendën e reformave të nevojshme.
Takimi shërbeu për të konfirmuar vijimësinë e bashkëpunimit ndërmjet Kuvendit të Serbisë dhe institucioneve evropiane. Palët shprehën gatishmërinë për të vazhduar dialogun mbi çështjet që lidhen me rrugën evropiane të vendit dhe angazhimet e përbashkëta legjislative. Përfaqësuesi i Delegacionit të BE-së, Vasalo, theksoi rëndësinë e funksionimit të mirëfilltë të Kuvendit në zbatimin e reformave strategjike, të cilat janë thelbësore për procesin e integrimit.
Lexo edhe

Kush është Aleksandar Çupiçi, kryetari i ri i Kuvendit të Serbisë
Aleksandar Çupiçi është zgjedhur në krye të Kuvendit të Serbisë, ndërsa ka marrë përkohësisht edhe detyrën e presidentit. Rruga e tij politike ka nisur nga aktivizmi studentor.

Qeveria e Shqipërisë miraton masat për sistemin IMI drejt integrimit në tregun evropian
Këshilli i Ministrave ka miratuar vendimin për masat përgatitore që do të mundësojnë pjesëmarrjen e Shqipërisë në Sistemin e Informacionit të Tregut të Brendshëm (IMI).

LUGINA+ BRIEF
Lugina në emailin tuaj.
Lajmet kryesore të ditës, pa zhurmë, një herë në javë.
Mund të çabonoheni në çdo kohë. Të gjitha mundësitë




